悉尼行進出機場安排

悉尼之後既以單車之主題，租車除往返機場外，使用率預計不高，決定不租。惟往返機場要安排能承載兩架單車之公交（甚至Uber）似乎並不容易。

如果直接由踩單車往返機場可行嗎？航班時間在日間，適合路車。再看機場跟捷婕家才相隔十多公里，沿著Crook River幾乎時全平路連單車徑實在很難不安排踩單車。

問題在就單車坐飛機的包裝不能太重型（因為要孭住踩），仲要係機場砌車（這個難不到OY），最後就是整個旅程的行李要絕對輕便，因為以單車進出機場意味著，要將所有行李掛在單車上，踩單車往住處。

很有挑戰，滿有期待。

20180729 機長南環路單車練習

20180729
約了師妹婷婷到東涌接收Minie狗狗的遺愛，一場黎到東涌當然順路踩車。因大腿傷未癒，只可選平路，機場南環路合適不過。

聯挺威一同練習，挺要操車參加十月的單車節（2.5小時踩50，有上落的路段），定操50km目標，約五個圈。平路迍風大太陽，這樣的路線並不如想像般輕鬆。威出手協助粗車（粗暴操車），第一二圈從後提挺加速，第三圈逆風時加速30以上，自私暴，隊長緊除，我跟不上就不能鈎享受有人破風，結果威後段抽筋，挺則未習慣烈日下踩車，力有不遞。我則於示範拉筋動作時自己同時拉新，最後一圈後大腿至盤骨拉住痛。就住咁勉強完成。

這樣的路段練習鈎車後爽，希望可以技術有所提升。若果不是拉傷，今日練習對OCOY來說尚算輕鬆。

20180722 寳生園養蜂場黑仔之行

20180722

大埔出發去大學，超早到，上左中大眾志堂嘆早餐。OY應該想係中大踩單車好耐。

聯觀瑪車友經大窩西支路接和合石，落基新中學隔離個寳生園飲凍檸蜜，再過聯和墟食爵士拉面。大窩西支路多車多修路工程，非常唔好踩，其實可以取道大窩東支路，適當時候過橋便可，和合石OY都講左要踩好耐，不過佢應該係想不停上山果隻，即係OC最驚果隻。至於路上既修路工程，封一邊修單線雙程中間有交通燈管制係最攞命的，因為唔想限住後面既車又驚踩踩下對面方向變左綠燈，所以只可以拼命咁踩，完全係玩interval咁。俾我踩車經過中學我一定會停低影下相，但係OY竟然頭也不回咁，佢可能心入面唔知追憶緊乜野。

食食下拉面隊友話唔夠喉要去鹿頸喎，明明尋日OCOY跟左10km，前日OC又跟左龍舟隊上左節HIIT嗌緊大腿酸痛，但一隊一呀麻，去就去啦。出發無耐就脫腿，因為OC遇到途人突然改道食曬條線，但佢又好人讓人結果撞柱，後呔個氣咀既extension斷左，即刻漏曬氣，但係tublar無氣完全係零經驗，加上斷有sealant都無用，諗住call車走都去就近單車舖碰下運氣。就係聯和墟爵士拉面附近既既山車堂，原來舖內珍品極多，老闆又好人，即知斷定拆左個斷咀裝返枝新上去，仲只係收左六十蚊。

整好車梗係追隊，沙頭角公路係OC初初跟OY練單車既地方，馬路同單車徑同樣不友善，完全唔知點解當年無被嚇走。原來隊友係沙公踩行人路，結果過凹凸位高位刮腳踏自炒，好彩唔太嚴重刷損左起返身繼續。我地追到隊之後踩左一段行人路覺得仲危險過踩馬路，都係落返馬路。

鹿頸上新娘潭竟然覺得輕鬆過以前，為左著小野田件單車衫而不太樣衰要再努力D操練先。

不得不提黑仔隊友們既遭遇，隊友W一人爆呔兩次，大窩西支路snakebite，換左後備呔再沙頭角公路再爆，補呔貼得唔好去到鹿頸又漏曬氣，為此換呔三次補呔兩次。攪完一輪隊長又離奇地搵唔返副太陽鏡。

埋單都唔夠六十公里。。。

踩完訓醒對腳竟然仲無星期六日咁攰，似乎踩左個recovery ride　

我的 LITESPEED T3

2017年4月，一直用開MTB踩馬路的OC忽然想升級踩RB，OY當然極之支持，上FB的二手單車買賣群組溜澾。

早上見到一鈦車放售，OC即時兩眼發光，是的既低調又高性能的車正合OC心水，上網看一下spec及review，其實已是一見鍾情。賣家在西貢井欄樣，當晚去看車。車極新，車主的玩山路的，此車一直在家放上roller上練習，連街都未出過。$15,000不議價送 Garmin520碼錶，即時帶返屋企。附送車主太太棄用的SIDI lock鞋一對。

單車配置
LITE SPEED T3 2015年 車架 (S碼)
even碳前叉
zipp鵝頸 及 手把
ck頭盒 及 BB
6800 組件
Industry Nine 前後套裝鈴

及後，Garmin 520因鬆手踢爆mon，待修期間添置了Garmin 1000。再因為配不到Campagnolo較大齒數的Cassette，OY再裝其升級做DT Swiss 碳鈴

旅程準備進行中 (一)

旅程準備遇在熱烈的氣氛下進行，現階段安排如下


最重要的當然是照顧貓狗的安排

• 已聯絡鄰村外傭於期間代為照顧貓隻，鄰居及姐姐都回覆無問題
• 己聯絡另一鄰居於期間代為餵飼社區貓隻，今朝數到回覆無問題

以上兩個重要的安排都算確定，狗狗預訂酒店便可，可以認真準備出發。

昨天到圖書館借了幾本旅遊書，三中兩英，當中有至少兩本竟然是二零一八新版，雖然不是熱門出版社的出品，但新書既感覺至少．．．無咁污糟

竟然唔記得無簽證根本唔可以入境，持特區護照，上網申請就可以了，只要有護照資料，個人資料，信用咭就可以完成，收費AUD20。當中有小插曲，就是National Identity Number一欄，系統認定我輸入的香港身份證格式不符 (Invalid national identity number format)，攪一輸先試到只要不輸入兩個括號就可以。

信用咭付款後，即時收到電郵確認，七分鐘再收到成功申請確認電郵，快過閃電。

下一步應該係確認租車公司營業時間同訂機票，至於行程／景，從來都不是我們關注之列。

申請ETA網站
https://www.eta.immi.gov.au/ETAS3/etas

三軍未動，新車先買

OC升級公路車之時，一下子就選定了頂級鈦架，後來再被配上碳鈴，實在過份。

那邊廂，OY仍對騎著三十多年前購下的KHS公路小霸王鋼架，感到樂此不彼。

本來兩個極端走左一起相映成趣，也沒其麼問題。但二人近日積極準備再次踩上單車旅魎之路，單車重量是算在行李限重之中，三十公斤的限重，給那近十五公斤的鋼車佔去一半不大好算。攪不好要付行李附加費就麻煩了。

結果OY仍是被勸服去添置一輛輕量化的單車。意屬鈦車卻在二手市場不見有供應之時，喜見一架全黑的S-work配有電件及高級車軨，索價合理。賣家前一天放售，翌日早上看上，中午約好當晚試車，即時帶回家。

回家途上再苦思家中那有再存一新單車的空間？？？

單車配置

Specialized Sworks Tarmac SL4
49碼 top tube 518
陶瓷BB
Ultegra Di2 6870 full set
Racing Zero 2018 17C

20180716 紀念日之踩足一世紀

每年有一日（七月十六日）係風雨不改都要由大埔踩去沙田，因為12年前我地就係咁踩去沙田註冊，沒有其他比這樣紀念更有意義了，不過唔係年年都有朋友可以同行，今年星期一，能夠來的不多，所以我們安排了上午我地兩個先踩個100km，英文叫century，不妨叫『世紀』，咁即係踩足一世，又幾好意頭bor。

但天有不測風雲，連續成個星期都唔好天，星期一都話有雨，冇法，下午公開的活動取消，但兩人一生一世係唔會變，所以100km推遲一小時開始，一於風雨同路，半日的活動改成一天的活動。

其實條線冇特別安排，主要的要求是唔好上山落山，避開公路，又唔想踩路面不平不停要上車落車的單車徑，係，冇錯，香港根本唔會有咁樣的路比你踩，同兩個人生活想無風無浪一樣係妄想，pre-trip搵左條路，大埔去馬鞍山再走沙田返回大埔，咁樣會有30公里，亦即係話踩三個圈再加十公里就夠數了，悶係悶ｌ，但有心愛的同路人就可以克服掛。

不過由於下午活動取消，反正都要搵地方食晏，就決定走一轉粉嶺，食個拉麵，順便減少一個圈。結果100公里是這樣安排的，先走一圈大埔→馬鞍山→沙田→大埔 （30k），兩轉大埔→科學園→大埔（17k），午飯大埔→聯和墟→大埔（25k），大埔→沙田大會堂影返張相→馬鞍山某處（計準條數）→大埔（18k）。

不過天氣真係非常unforgiving，落下狂風暴雨又曬下烈焰驕陽，整濕晒你又同你曬返乾，最大穫仲係成個吐露港都係白頭浪，大部份係頂風或側風踩，原本預左輪流破風，點知我懶慣唔識做破風手，最後都係我在後面坐享其成居多。辛苦晒啦 honey。唔怪止得跟住果朝我仲可以去上個海下踩返轉山試車。

今次幾好玩，又試到自己實力，畢竟有人未踩過 metric century，今次話佢聽都唔係咁難。而我自己自從十幾年前 Oxford踩去 London100+公里後都冇機會再踩咁遠，咁原來仲得，又可諗下個真正的 century(即係160公里)了。

今次原本想去大埔蔡潤記食個河粉早餐先出發，點知新舊兩間都休星期一。

聯和墟食爵士拉麵原本預左佢休息要 plan B去食山東餃子點知又食到拉麵。

踩100k沿途唔食下野你估我地係專業運動員咩，好在買到冰菠蘿，小販好似不容於政府，但實際上我地需要佢地。

持牌小販買少見少了，趁仲有要趁惜。今次我地唔食雪條了，每人飲左罐可樂。

My first metric century @ Youtube
https://youtu.be/VBYizggXhwQ

Check out Morning Jul 16th on Relive! 

https://www.relive.cc/view/g22702428841

後記：踩住架14kg鐵車完成左100km先即晚去買左架8kg的單車來預備第二日去外地踩，6kg的行李重量絕對係必要的吧。

NEW BLOG --- OCOY on the bike

單車旅行的和寫網誌的日子，

都是我最懷念的美好時光。
既然懷念可不重新擁有，

正在計劃十一月初的單車旅行，

重新啓動封塵已久的網誌。